На базе факультэта міліцыі грамадскай бяспекі для ўдзельнікаў патрыятычнага клуба "Патрыёт" прайшоў занятак па прафесійна-прыкладной фізічнай падрыхтоўцы.

Інструктарам на занятках выступіў Заслужаны майстар спорту Рэспублікі Беларусь, старшы выкладчык кафедры ППФП падпалкоўнік міліцыі Аляксей Сцепанькоў.

Занятак пачаўся з майстар-класа ад удзельнікаў дзюдо клуба «Тыгр», пасля, каб пазбегнуць траўматызму, Аляксей Уладзіміравіч правёў размінку для дзяцей, заключнай часткай занятку стала адпрацоўка прыёмаў.

Умацаванне патрыятычных пачуццяў праз сумесныя заняткі спортам дазваляе фарміраваць у маладога пакалення не толькі моцнае цела, але і моцны дух, гатоўнасць стаяць на абароне інтарэсаў сваёй краіны.